حلم إتفسد,, بقـــــــــــــلم : محمودعمارالزلباني ,, مجـــــــلة غـــــــرام اليــاســـــــــــمين

**حلم إتفسد**
***********محمودعمارالزلباني
هو ليه ساعة الميلاد
الكل يفرح بالولد
إللي جايه قال تهني
وإللي مشتاقة تغني
وإللي جاية تقول مدد
وإللي لجوزها عاملة غارة
نفسها في حتة ولد
قوم يا سبعي تعالي شوف
كل مرة تقول ظروف
من قهرها ساب البلد
والعيال بسرعة تكبر
والهموم عمالة تكتر
ولا حد خايف م الحسد
العيال بيقولو عزوة
دلوك زيادة ف العدد
العيال عمالة تحلم
خايفين كابوسهم يتوجد
قالوا نحلم بالنهار
ماهو حلم ليلناإتفسد
العيال غموا عنيهم
والحلم ع الأرض إتفرد
إللي كان حلمه بسيط
لقمة أو حتت وظيفة
الحلم ضاع منه وشرد
وإللي كان يتمنى يكبر
بس بسراب حلمه إتوعد
الولاد خبوا عنيهم
من حياة تشبه أسد
شغالةتنهش في إيديهم
خلت حياتهم في كبد
وعشان كده ربطوا عنيهم
خافوا من طول الأمد
يستنوا حلم ف يوم يجيهم
ويحس الكل إنه إتسعد
___________محمودعمارالزلباني

اضف رد

لن يتم نشر البريد الإلكتروني . الحقول المطلوبة مشار لها بـ *

*