تغير جلدك,, بقـــــــــــــلم : هاني رخا ,, مجـــــــلة غـــــــرام اليــاســـــــــــمين

تغير جلدك
تكون تانى من التانيين
و تنسى دروس قرأتها زمان
عن العنوان
عن العرفان
عن الإنسان
و تحاول تنسى ماضيك
وتنسى معاه احلامك
لبكره مجاش
ومستنيه
تتوهه فى وسط السكه
و تحاول فى يوم ترجع
تلاقى الوقت عدى خلاص
تكون تانى من التانيين
وترجع تانى لدروسك
– دروسك إللى كنت رفضها زمان –
عن العنوان
عن العرفان
عن الانسان
تلاقى الخط مش واضح
تلاقى الصفحة بهتانه
بقيت تانى من التانيين
بقيت باهت من الباهتيين
انت فريد ما تآمن
انت فريد.

اضف رد

لن يتم نشر البريد الإلكتروني . الحقول المطلوبة مشار لها بـ *

*