نوع من النساء,, بقـــــــــــــلم : طارق السيد ,, مجـــــــلة غـــــــرام اليــاســـــــــــمين

نوع من النساء
لا أنا قرصان إسمي الحزنان
ولا قلت لحد إحكيلي نكات
ولا حتى كمان أبقى أنا باتمان
بطل الحركات والشقلباظات
أنا واد طيب قوي غلبان
ودمي خفيف زي الشربات
قالوا الناس عيني زايغة عشان
بحب أتغزّل في الستات
والستات أشكال وألوان
زاهين كدا زي الفراشات
بعشقهن وأقدرهن
سمان إن كانوا أو نحيفات
غصبا عني ومش بإديا
كوني مااتغزل صعب عليا
المتحزق والمتلزق
والمتكتل والمتجزأ
والمانيكير والباديكير
والتاتو و كريم فور كير
وشعر يهفهف ع الأكتاف
وشفط دهون مع نفخ أرداف
وبعد دا كله تقولوا عيني زايغة
إللي بيسمع غير من شاف
يابنات حوا إتلموا شوية
تبقوا عملتم معروف فيا
قلبي أنا أضعف من حركاتكم
وحياة أبوكو ماتيجوا عليا
بقلم طارق السيد

اضف رد

لن يتم نشر البريد الإلكتروني . الحقول المطلوبة مشار لها بـ *

*