حطه يابطة,, بقـــــــــــــلم : طارق السيد ,, مجـــــــلة غـــــــرام اليــاســـــــــــمين

حطه يابطة
من جوه قناة فى محطه
برنامج حطه يا بطه
هنقدم ليكم فكره
مع لقطه في حلم لبكره
شوفت القطه فى بق الفار
والعصفوره فى عينها شرار
وشوفت النمر فى عز جنانه
فى عينه الرعب وديله فى سنانه
وشوفت غزال بيطارد فهد
وشوفت الفهد بيجرى بجد
والتمساح فى البركه بيجرى
من قرموط النيل الغجرى
وشوفت الأرنب فارد صدره
ضد الذئب فى ليلة بدره
وشوفت قرود راكبين عالفيل
رايحيين يصطادوا نسور أبابيل
والكتكوت اصطاد حدايه
فرحان يبقول أهو جانى غدايا
وشوفت النمله قايمه بحمله
معاها جيوشها ضد وحوشها
وشوفت كمان انسان الغاب
والنسانيس كاسرينله الناب
وشوفت حمار لابس كرافته
مذيع برنامج حطه يابطه
بقلم طارق السيد

اضف رد

لن يتم نشر البريد الإلكتروني . الحقول المطلوبة مشار لها بـ *

*