وليه,, بقـــــــــــــلم : محمد العليمى ,, مجـــــــلة غـــــــرام اليــاســـــــــــمين

وليه
=========
تعاتبنى وبتلومنى
وتوجعنى بكلامك الماسخ
مادمت ماشى ومش راجع
وليه تقوى الكلمه الجارحه
وتنسى صداقه
مكانتش من امبارح
وليه ترد على الضحكه
بالقسوه على الافراح
وليه تبص بس
على اللحظه الوحشه
وتنسى انى كنت
مسامح ومتصالح
وليه تبكى وانت بتودع
وليه مصمم على
الهجر من امبارح
وليه ناوى تأسرنى بالذكرى
وناوى تقتل الفكره
وتضيع الذكرى
وليه احلامك
بيه بتتكرر
وليه فاكرك
فى كل افكارى
وليه ساكن كل وجدانى
وحارمنى ليه من عطفك
وانا روح وعقل وقلب المشتاق
وليه بتتخانق
وانت بتقطع الصوره
وتاخد صورتك
وانت جنبى وتحرقها
وليه هاجر كل
احلامنا وناسى ليالينا
وعشق القمربينا
كان على حبنا
شاهد
و كان شريك
تالت لامانينا
———
بقلم //محمد العليمى//

اضف رد

لن يتم نشر البريد الإلكتروني . الحقول المطلوبة مشار لها بـ *

*