الموت عـَـجـِّـــز,, بقـــــــــــــلم : مــد بــو لــى مــحــمـــو د مــد بــو لــى ,, مجـــــــلة غـــــــرام اليــاســـــــــــمين

الموت …عـَـجـِّـــز
………………
خايف ليه ؟
موتك شاخ من بدرى
و عـَجـِّــز
إوعى تصدق انك
نافد من أنيابه
إوعاك تدى لنفسك مهلة
ولا تفكر ..
إن المر يدوب
فى حلاوة
ولا القمرة تسيب العالى
تتمحك فى النجم وبابه
ولا الدرويش
راح يفرش لك ….
سجادة من حَـب السبحة
ومولانا ..
هيسيب أعتابه
الموت راكب
على باب ضهرك
وان كنت انت
أعز اصحابه
ما هو يا يموّت ؟
يا يموت هو
ما هى دنيته على قد اتيابه
وما حدش بيشاركه عبايته
ولا حدش بيشاركه مكانه
الموت …ريس
لا هتهرب منه
ولا تفلفص
حتى ان عشت العمربترقُـص
ومفكر رقصك يحلى له
رقصك بالنسبة له منغـّص
كل حياته وبطنه تمغص
لما الجمهور يعجبه رقصك
والتسقيف يوصل لودانه
دورك قرب
ومفيش مهرب
فى البر وفى البحراذنابه
فاعرف انك ميت ..ميت
فتموت راجل
موت فى مكانك
وف إيدك وف راسك فكرة
إزاى توصل بيها لبكرة
حتى ان كانت كلمة وحرف
الموت عمره ما يخنق كلمة
ولا يدفن مع ميت
فكرة
الموت عجز
وانت اتجهز
بس اتلذذ
بملامح خوفه المدارى
ورا ضحكُـه
بس اللى يميز
خد لك موقف
والبسه تاجك
بيه راح تعلى
و بيه تتعزز
الموت عـجـِّـز
……….
بــقـــلــــــم ا لـــشــــــا عــــــــــــر
مــد بــو لــى مــحــمـــو د مــد بــو لــى

اضف رد

لن يتم نشر البريد الإلكتروني . الحقول المطلوبة مشار لها بـ *

*