صبرنى يا ربى,, بقـــــــــــــلم :محمودعمار الزلبانى ,, مجـــــــلة غـــــــرام اليــاســـــــــــمين

(((((((((( صبرنى يا ربى)))))))))))))
—————————————-
مهما طال الفراق
قلبك ساكن قلبى
وعيونى ليكى تشتاق
تتمناكى هناجنبى
دا البعد ما ينطاق
صبرنى يا ربى
تعبت من الاشواق
على اللى كان طبى
===========
عيونى الدمع خاصمها
وحتى النوم جافاها
ولا صبر عاد حاكمها
والحزن يجرى وراها
ولاكان البعد لازمها
وجف الدمع جواها
ولاعاد حد فاهمها
زى اللى فات دنياها
===========
نسيت البسمه من بعدك
وحتى الضحكه مخنوقه
وكوانى لهيب بعدك
وحاسس روحى مشنوقه
م الدنيا انتهى ودك
وخدودى بالدمع محروقه
لامره ليا بان صدك
دانا اللى روحى محقوقه
============
على الذكرى انا مرهون
والحنان اللى كان منك
مرار البعد فيه مسجون
مشتاق لضحكه من سنك
كان قلبك لقلبى حنون
وكل الحب كان عندك
عشان عينك بحب الكون
وبعدك لكان منى ولا منك
===============((((((محمودعمار الزلبانى))))))

اضف رد

لن يتم نشر البريد الإلكتروني . الحقول المطلوبة مشار لها بـ *

*