يامدعى الإسلام,, بقـــــــــــــلم : محمد جمال فايد ,, مجـــــــلة غـــــــرام اليــاســـــــــــمين

………يامدعى الإسلام……………
ليه يا مدعى الإسلام تحقد على
….. المسلم والمسيحى ليه تعاديه
وتتمنى موته على إيدك
……………وف قلب التراب تواريه
وتفجر نفسك بحزام ناسف
………………..تحت الهدوم تخفيه
وتقتل نفسك مع جنود
……..سهرانة على أمن البلد تحميه
وتدمر كمين يحرسك
……..وبطلقة هاون متوجهة تنهيه
فين إنسانيتك وفين دينك
……….وفين عقلك رد فين أراضيه
وفين المسلم أخو المسلم
…….إللى عند الكرب يلزمه يواسيه
ويشاركه أحزانه وأفراحه
………… ويروح بروح طيبه يهاديه
ولو إتعرض وطنه لمكروه
……بماله وروحه ودمه كمان يفديه
وفين كلامك المعسول وأصلك
……..إللى بتفتخر بين المحافل بيه
وفين دموعك على المنابر زى
……..شيطان واقف يشوح لنا بإديه
وتقول كلام لا يقوله سفيه
…………….ولا جاهل يوم يفكر فيه
وتخون الأمانة والغدر يكون
………….طبعك فى كل شيئ نلائيه
فين ولاءك للوطن إللى
……قضيت طفولتك مع شبابك فيه
وليه تبايع خليفة يخدعك
……لحد ماتصير جارية من جواريه
وتجعل خيمته مقام ومزار
…تطوف ليل ونهار بالسلاح حواليه
وترفع رايتك السودة
………….فوق حجر أو صنم تناجيه
إسمع نصيحتى يا إرهابى
…….وانبذ شيطانك واطرده وانفيه
وانسى تاريخك إللى إنصرم
………….وف محرقة إحرقة وانهيه
وتب واستغفر إلاهك وساعة
…………السحر إرفع إيديك وناجيه
وقول يارب توبه من القلب
………وأللى يقول يارب ربنا يهديه
فالتائب من الذنب كمن
………..لا ذنب له وذنبه ربنا يمحيه
واستخدم فى الخير ذكاءك
.والساعى فى الخيردايماربنا ينجيه
……………..مع تحيات………………..
………….محمد جمال فايد…………..

اضف رد

لن يتم نشر البريد الإلكتروني . الحقول المطلوبة مشار لها بـ *

*