يسعد صباحك يا ورد نادي,, بقـــــــــــــلم : محمود شبيب ,, مجـــــــلة غـــــــرام اليــاســـــــــــمين

طبتم وطابت اوقاتكم
===
يسعد صباحك يا ورد نادي
يللي عم تفوح شذا وعطور
لا لا ما جابت يوم ولاده
مثلك ولا ح تجيب يا امور
سحر وحلا واحساس بزياده
فيهم فؤادي والعقل مسحور
لما بتهمس لي و بتنادي
بسمع بهمساتك لحن شحرور
ولما بتضحك يا حلو بادي
من ضحكتك بينور الديجور
وشفاف مثل الجمر وقاده
بتقول لي اكل الكرز محظور
وخدود فوق الوصف والعاده
منها نبيذ الخابيه معصور
ورموش عين نبال صياده
بتصيب كيف ما تلف كبف ما تدور
جيدك حلو مش لازمه قلاده
بيشع وبيلمع مثل بلور
ورمان كرمك رايح وغادي
مسكوب عاج وبالذهب مغمور
حبك غدا زادي وزوادي
وكلي بامرك يا حلو ماْمور
وبغمزة عيونك انا ماْسور
قلبي تخت زندي لك وساده
حتى تنامي فيه يا ست بدور
ولو مت بحضينك هني ومسرور
=== محمود شبيب ===

اضف رد

لن يتم نشر البريد الإلكتروني . الحقول المطلوبة مشار لها بـ *

*