ما ديماشي,, بقـــــــــــــلم : حسين محمد صبرى ,, مجـــــــلة غـــــــرام اليــاســـــــــــمين

ما ديماشي
كلو ماشي واللي راح
راح ما يجراشي
هي دنيا ماديماشي
اللي باع واللي خان
واللي ملوهش امان
مش هحكي وقول كتير
بكرة هيدور الزمان
ويخلص الحق الكبير
م اللي كانو بيسقفولي
وبالاحضان يخدوني
اللي كان يجري عليا
وعامل نفسه حابيبني
اتاري لحسابه كان بيصاحبني
طلعو هما البياعين
لو افتكرت اللي فات
هوجع قلوبهم اهات
ولو قلبت الدفاتر
مش هشيل لحد خاطر
ياساتر منهم يا ساتر
بكره يكون ليكم حساب
مهما عدت الليالي
كنت بينكم اغلى غالي
فات وقت اللوم والعتاب
اللي نسيو حبي ليهم
باعو العشرة الله يجازيهم
الايام هتكون كفيلة
تهديهم رد الجميل
كلمه للي مخدش بالو
كلو يبص لحالو
يعرف الخاين م الاصيل
مهما عدت السنين
هيخلص الحق بكتير
بس الصبر الجميل
كلو ماشي كلو ماشي
هي دنيا ما ديماشي
بقلم … حسين محمد صبرى

اضف رد

لن يتم نشر البريد الإلكتروني . الحقول المطلوبة مشار لها بـ *

*