دنيا العجب,, بقـــــــــــــلم : عبدالمنعم عدلى ,, مجـــــــلة غـــــــرام اليــاســـــــــــمين

دنيا العجب
عبدالمنعم عدلى..مصر
دنيا وفيها العجب
فيها ناس زعلانه
وناس فرحانه
وفيها ناس
مشغولة بهم ناس
وناس تأذى
فى ناس
أصلها دنيا العجب
طبعها كده
وهى كده
وعمرها ماهتتغير
عجبى عليك يادنيا
الغدر فيك بيجرى
مجرى الدم بالشريان
والناس إتعلموا منك
القسوة والقهر
مسكين وشايل الطين
وراض بالقسمة
ومش عاجب الناس
حرام عليكم ياناس
سيبوا الناس
شايلة الهم وراضية
خليكم فى جمع المال
والضوى على الأذن
أصلها فانية فى
حفرة تراب ولامة
صابرين عليك
يادنيا العجب
الظالم فيك
طبعه غلب
والمسكين فيك
أصبح عجب
أصلها دنيا
بيغنوها على
أوتار النغم
بقلمى عبدالمنعم عدلى

اضف رد

لن يتم نشر البريد الإلكتروني . الحقول المطلوبة مشار لها بـ *

*