القصاص,, بقـــــــــــــلم : م/عبالحميد سالم ,, مجـــــــلة غـــــــرام اليــاســـــــــــمين

( القصاص ) م/عبالحميد سالم
إيه اللى بيحصل ده ياخواننا
إيه اللى شقلب لنا احوالنا
وكإننا ف كوابيس عز النوم
لا عمر الفقر كان بيموتنا
لأنه فترة ومش بتدوم
لكن اللى بيغتال حلم بلادنا
ارهابى خاين أو فاسد ضميره معدوم
أو مجرم خاطف فلذات اكبادنا
بجرابم بشعة الكل منها بقى مصدوم
*******
طبعا عشان ماتت ضمايرنا
ف رخص دمنا ومبقاش معصوم
عايزين قانون صارم يحمينا
قانون رادع للى يفكر يوم يأذينا
فيه الإعدام للى يهدد أمن بلادنا
بأحكام نهائية خلال كام يوم
مش لف محاكم وموت ياحمار
وبعدها يضيع حق المظلوم
*****
فتاوى الإرهاب بتحصد ف شبابنا
وخطف الاطفال بقى بيشيبنا
وم خوفنا خلاص خاصمنا النوم
لو عايزين نخلص من الغمة
ونرجع تانى باذن الله أفضل أمة
لازم القصاص من دم القتلة
بلاش نرمى على بعض اللوم .
ولو استسلمنا للإجرام نبقى ف غابة
وتاكلنا ديابة ودا عيب الشوم

اضف رد

لن يتم نشر البريد الإلكتروني . الحقول المطلوبة مشار لها بـ *

*