البقاء لله,, بقـــــــــــــلم : أحمد السيد ,, مجـــــــلة غـــــــرام اليــاســـــــــــمين

#البقاء لله…
/////^////
الحياة ما بتنتهيش
بحب ضاع أو مكملش
او بعمر قاعد يفوت
يوم ورا يوم وإنته
مسجون جوا وحدتك
لكن غصب عنك لازم
تعيش….
فهمت الحياه او مافهمتهاش فى النهايه صدقنى كله ما يستاهلش…….
مربوط بخيط حرير
إسمه الأمل ..وقاعد
تلف حوالين نفسك
وبتتخنق …وعمرك
ماكرهت حد وخدوم
ودايمآ بتقول لنفسك
الخير لازم هاينتصر
والشر عمره ما بيدوم
وفى قلبك ما بتشلش
………….
الصبر جوايا صبر
وبزياااااده……
أنا برده إنسان وبحس
نفسى أغمض عيونى
وحد يحضنى وبإيده
يطبطب …..
كل اللى عرفتهم بحياتى
بس أديهم دهرى وكل
واحد فيهم بكل قسوه
بيضرب…….
أنا لما قررت أبعد وأعيش لنفسى مافكرتش انى كده
هاكون أنانى ..حبيت
بس انسلخ من جلدى
من الطيبه الزياده
وإنه أبعد عن الإستغلال
والأغلال اللى طول عمرها خنقانى ….
عشان أحس ..عشان
أحس ولو مره واحده
إنى حد تانى……
انا فعلا شايف نفسى
حد إستثنائى ..لكن
دورت كتير جوايا
ومش لاقى …….
يمكن فى عيون بعض
الناس اللى بكل مره
ببص فى وشوشهم
مابنساش…لكل واحد
فينا لحياته وجه نظر
فى اللى بيؤمن بالحظ
وفى اللى بيستسلم ويحط مصيره فى
إيد القدر ….ودلوقت
عرفت الحقيقه اللى
غابت عنى كتير انه
كله فى النهايه بيعدى
الحلو والوحش معاه…
ولازم نترحم عليه ونقول ….
..البقاء لله…
#بقلمى/ أحمد السيد

اضف رد

لن يتم نشر البريد الإلكتروني . الحقول المطلوبة مشار لها بـ *

*