أصحى صحصح من النوم,, بقـــــــــــــلم : وحيد احمد ابراهيم ,, مجـــــــلة غـــــــرام اليــاســـــــــــمين

أصحى صحصح من النوم وقوم
أفتكر ماضى كان مزحوم
بحنانى وحبي وخوفي عليك
من سماك زحزحت غيوم
وأترجيت حتى النجوم
والقمر ينوروا لياليك
كنت فاكرك وناسي روحى
كان فرحك بيداوى جروحي
كنت تمللي أبعتلك روحى
تأنس فى الطريق خطاويك
وأنت يا روحى كنت أنانى
مفكرتش فيا حتى ثوانى
اﻷقي حنانك جه وسقانى
عودت قلبي على الصوم
بﻻش تلوم—-
قبل ماتلومنى انى هجرتك
أرجع وأسمع صوت ضميرك
هجرت قلبي وهو جنبك
واناﻻعشقت وﻻرحت لغيرك
وقلبي عاش عطشان لحنانك
أزاي هيروى أحساس شعورك
ماعرفتش تكون لقلبي زعيم
فى العمريوم
بﻻش تلوم
مافيش عطر بدون أزهار
كل بحر تمﻻه أمطار
كل شمس بتصحى نهار
والسعاده لها أسرار
بالحنان السر يدوم
وانا كنت من طعمها محروم
بﻻش تلوم———
القلب أرض يطرح ورد
حسب الجناينى ما يختار
لو كنت زرعت السعاده
كنت هتجنى منها ثمار
واللي يقيد شمعه يﻻقي النور
واللي يمسح دمعه ينورله فنار
وانت أخترت تزرع صبار
اللي زرعته بأيدك إمبارح
دوق من طعمه ياروحى اليوم
وبﻻش تلوم——-؛

اضف رد

لن يتم نشر البريد الإلكتروني . الحقول المطلوبة مشار لها بـ *

*