طلعت عنا مظاهرات,, بقـــــــــــــلم : د. ملك محمود الأصفر ,, مجـــــــلة غـــــــرام اليــاســـــــــــمين

نص باللهجة العامية بعنوان
طلعت عنا مظاهرات
………………………………………
طلعت عنا مظاهرات وشو كبرت القضية
وصارواينادوا بإصلاحات وينادوا بالحرية
وشوي عليت الأصوات وصارت أكبر شوية
وصاروا ينادوا بإسقاط كل السلطة السورية
وإنتشر عنا الإرهاب وصارفي حرب أهلية
والخي بيقتل الخي كرمال الطائفية
وانتشرت عنا السرقات والقتل ع الهوية
ويا رب تروق هالحال ونرجع كلنا أهلية
وصار القتل بالمجان وغربان بتقتل غربان
يا ربي شو يلي صار إنتحرت الإنسانية
وين العالم وين الناس وين النخوة العربية
ما بقي عندن إحساس حتى الجامعة العربية
ومجلس الأمن بيدين وبيشجب وبيندد
وبيرفع إيدو سكران عم يتوعد ويهدد
والإرهاب صارلو أشكال وبألوانو متعدد
ويا ربي ترحم هالناس وما يضل الحل معند
والناس قرفت هالحياة وصار بدا تعرف تعيش
وانهدمت بيوت الناس وما عاد في على جسما ريش
والمعيشة غليانة وانفقد ورق العريش
وبعدا زعران البلد عم بتاجر بالحشيش
والناس كلا مقهورة وما عندا حتى فطورا
وعم تستنا الإعانات تا تحللا أمورا
ووين كنا ووين صارت الناس حاجة نشرب من هالكاس
يلا نمد أيادي الخير ونعيش مرفوعين الراس.
……………………………………………………..
د. ملك محمود الأصفر

اضف رد

لن يتم نشر البريد الإلكتروني . الحقول المطلوبة مشار لها بـ *

*