الكسوة الأميرة,, بقـــــــــــــلم : د. ملك محمود الأصفر ,, مجـــــــلة غـــــــرام اليــاســـــــــــمين

..الكسوة الأميرة…
…………………………………
شفت الأميرة مرصعة بتاج الدهب. ..
لما لمحتا القلب بصدري وثب. ..
عكتافا شال وكلو من سندس خضير …
ومطرز بأزهار أحلى من القصب. ..
والورد لما فاح بروايح عطر. ..
وضحكتها حلوة كلا موسيقا وطرب. ..
سألت عنها وقلت هي الحلوة مين. ..
ردوا وقالوا الكسوة هي بنت العرب. ..
الكسوة الأميرة زين كل الصبايا. ..
ومرصعة بالماس عنقا متل المرايا. ..
والورد فيها والمحبة ساكنة . ..
والصدق عندا هوه أحلى المزايا. ..
الكسوة الأميرة فيها أحلى الوصايا. ..
المكتوبة عالألواح بحب وعناية. ..
فيها المودة ولو سألوني عنها يوم. ..
رح قلهم بالقلب حتى النهاية. ..
الكسوة الأميرة هي هية عروستنا. ..
المزروعةحب و عالإيمان ربتنا. ..
فيها الشهامة والوفا وفيها الشرف. ..
ورح تبقى حلوة و عمرانة مدينتنا. ..
ورح نبقى نحيي المجد و ننشر الأخلاق. ..
نعيد الأصالة يلي هية ثروتنا. ..
ورح نبقى فيها أخوة عطول الزمن. ..
وبالحب كل الناس تبقى أخوتنا. ..
……………………..
د. ملك محمود الأصفر

اضف رد

لن يتم نشر البريد الإلكتروني . الحقول المطلوبة مشار لها بـ *

*