خفي علينا يادنيا,, بقـــــــــــــلم : بيبو البدر الساطع ,, مجـــــــلة غـــــــرام اليــاســـــــــــمين

خفي علينا يادنيا……….ياللي بقيتي عجيبة
حالك بقى غير الحال… ماتت جواكي الطيبة
يومك قوام بيخلص…. بجد دي حاجة غريبة
*******
ف الزحمة والترحال.. ضاعت ضحكتنا فيكي
قيودنا بقت اغلال……… بأمر من معاليكي
بقينا عبيد المال………ومحدش فينا ناسيكي
*******
حتى الوشوش البريئة…. نسيوا انهم اطفال
الحزن هوه الحقيقة….. في الغنوه و الموال
بيجي بألف طريقة………… بيبدل الاحوال
قايدة جوانا حريقة……. حرام دا ولاا حلال
الضهر نيران صديقة… ف الوش اخر جمال
احتارنا واحتار دليلنا… مع قالوا وقلنا وقال
نسينا طريق سكتنا….. ورجوعنا ليها محال
ولحد امتى هنفضل…. تايهين يمين و شمال
نبوس ايديكي ردي…. وجاوبي على السؤال
********
بيبو البدر الساطع …….

اضف رد

لن يتم نشر البريد الإلكتروني . الحقول المطلوبة مشار لها بـ *

*