الزوج : ياسيادة القاضي,, بقـــــــــــــلم : عزة حزين ,, مجـــــــلة غـــــــرام اليــاســـــــــــمين

الزوج : ياسيادة القاضي
أنا إسمي محسوبك عبد العال وهي مراتي وإسمها نوال
إحنا الإتنين علي قدنا
علي قد الحال
عاهدنا ربنا علي الإخلاص والوفاء
وعدم الإفتراء وطولة البال
مهما كانت ظروفنا والأحوال
راضيين وعايشين عيشة كلها والحمد لله بالحلال
القاضي : عال العال
هذا شيئ ف غاية الروعة والجمال
ولكن أين إذن الشكوي والإشكال؟؟
الزوجة : المشكلة ياسيادة القاضي
ف جوزي عبد العال نقض معايا المعاهدة
وأنا زهقت من كتر المناهدة
وقررت أرفع عليه قضية
بدل ما امسكه وأهبده ف الأرض هبدة
لأحسن يفرفر ف إيدي وبعدها يبقي جثة هامدة
أصل أنا إسم النبي حارسني عفية
ومسميني ف الحارة بالمفترية
وبيرقد فيها يجيي سنة لما بس بناوله حتة بونية
وأهله كل شوية يعملولي جنحة
دا غير محاضر عدم التعرض و التعدي هأهأ أصل مافيش ف الحارة قدي
القاضي : إهدي ياست إهدي
الزوجة : أهدي إزاي ياسيادة القاضي
دا أنا بأقول لنفسي آخد حقي
ياللا همي إفرحي فيه بقي ياأختي وإستعدي
القاضي : إحكي بالتفصيل المريح ولازم كلامك يبقي صريح
من غير إنكار أو أسباب وأعذار
الزوجة : أنا مراته ياسيادة القاضي
وواقفة جنبه بنشتغل ليل و نهار
صعب عليا… مكوته الحديد كانت بتلسعه بالنار
فبعت صيغتي عشان أجيب له مكوة بخار
أصله شغال مكوجي ف دكان إيجار
وأنا قاعدة علي الرصيف بفرشة خضار
إتجوزنا ف حلال ربنا
ورضيت أعيش معاه حتي لو العيشة مرار
اوضة فوق السطوح علي قدنا
بس ياباشا طراوة وهي سترنا
عشانا حتة جبنة وخيار
وكوباية الشاي الصبح هي أجدع فطار
وقااال إيه فجأة إتجوز عليا. بت صغيرة مفعوصة قد بتنا
مايصة ومعصعصة وبيقولها ياميار
وأنا من يومها إهئ إهئ وقلبي وكبدي قايد فيهم الناااار
عايزاه يطلقها ويقدم لي إعتذار
الزوج : ياسيادة القاضي
كل ماااقولها دي حلالي
عينيها تطق منها شرار
الشرع يا ولية حللي أربعة
وإنتي ماتتعاشريش مش شايفة نفسك بقيتي ونش جرار
القاضي : أعطي زوجك فرصة ياست نوال لأخذ القرار
ولكي فقط الحق ف طلب الطلاق
ولو إنك أنتي السبب ف حدوث الأضرار
رفعت الجلسة
# عب عال_ والونش
# بقلمي عزة حزين
Azza Hozayen

اضف رد

لن يتم نشر البريد الإلكتروني . الحقول المطلوبة مشار لها بـ *

*