الأول على القسم /الدفعة,, بقـــــــــــــلم : طارق فايز العجاوي ,, مجـــــــلة غـــــــرام اليــاســـــــــــمين

{{(الأول على القسم /الدفعة)
[المهندس فايز طارق العجاوي]}}
الشاعر طارق فايز العجاوي
قالوا فايز تاج العلم
والأول على الدفعه
ربي يحميك ويرعاك
بجاه المثاني السبعه
والذكي أولى بالعلم
قلنا وبحق الشفعه
دين ، حنيه ، وأخلاق
زيدوا يا ربي رفعه
منبت علم ومنبع جود
والطالب يورد نبعه
فرحوا الغوالي بالفوز
والحادي هدهد ربعه
العلم ، كد وإصرار
وشد وتمكين ودفعه
بدك تلزم أرض النور
ونبراسك يشعل شمعه
أسهر وأبحث ع الدوام
والفكره أتبعها لمعه
تتفوق بدك إبداع
واسمك تلبقلو السمعه
ظلك ثابر ، ظلك جود
واسعى يا ابني اسعى
ما بنفع درب التهويل
كل هزه بدها لسعه
ربي من عندو يحميك
ي الأول على الدفعه .

اضف رد

لن يتم نشر البريد الإلكتروني . الحقول المطلوبة مشار لها بـ *

*