اتبعترت كل الامال,, بقـــــــــــــلم :بلبل طلعت عثمان ,, مجـــــــلة غـــــــرام اليــاســـــــــــمين

اتبعترت كل الامال
ع الارض
والقلب الأبيض لونه بقى اسود
والشوك طغى حتى قتل الورد
والليل شراع انفرد
على كل أحلامي
حتى الكابوس اعتلى
بقى ع آلامل يفرد
الشىء وعكسه هو انا
والحزن تايه في الهنى
والشعر نفسه مش انا
والبحر تاه في السرد
حلمي وطلاسم الجفى
بردان وجوايه الدفى
عايش وظاهر إنما
قدام عيوني بختفى
طفل وبحبي إنما
م الحزن شعري ابيض
انا من بعيد عايش هنا
وعاصرني كل الازمنه
كل التاريخ اللي اتبنا
بعقيدتي انا المؤمنه
صلبوها على باب القصيده
والحذف كان الحد
بلبل طلعت عثمان

اضف رد

لن يتم نشر البريد الإلكتروني . الحقول المطلوبة مشار لها بـ *

*