سألت ابويا مره سؤال ,, بقـــــــــــــلم :شوقي احمد الشيخ ,, مجـــــــلة غـــــــرام اليــاســـــــــــمين

سألت ابويا مره سؤال.
قلت له يابا ايه الفرق ما بين الناس دلوقتي وناس زمان. قال لي ….. يابني زمان لا كان فيه تكنولوجيا ولا تقدم زي دلوقتي…. وكان فيه وباء بس كان فيه اخلاق ……. ودلوقتي فيه علم وتقدم ووباء وشقاء وغباء وغلاء وعناء واتبعترت الاخلاق……. كلام بسبط من رجل بسيط……متعلمش اه بس مش عبيط……قالي زمان كان اهلك كل الجران ……واختك ديمآ كانت بنت الجران…… دلوقتي الواد يسهر يفكر ازي يعلق بنت الجران….. با الذمه دا كلام ……مع ان هي نفس البلد نفس البيوت نفس الغيطان……بس الانسان مش هو الانسان ……انسان مش انسان…… فيه حاجه اتبدلت مش بينه صحيح بس احواله اتشقلبت…….قولت يابا ما كانش فيه حب…… قال لي زمان كنا بنحب ونسهر نسمع الست….. بس كنا بنحب في سرنا علشان كدا ديمآ كان سترها ربنا…… ودلوقتي بتحبو على التت والنت وبتتعلم ازي تشقت البت …… كأننا معدناش خايفين على عرضنا…… والنبي دي حاجه ترضي ربنا…….ضلمه عايشين فيها مع اننا في النور عميان مش شايفين ……… ومش فاهم ليه قاعدين سكتين….. مع انك لو فكرت تلقينا مش عايشين….تحت الارض مدفنين لا احنا محصلين ميت ولا ياولدي صاحين……مات بلا شرف من عاش بلا اخلاق……..قلم شوقي احمد الشيخ……..

اضف رد

لن يتم نشر البريد الإلكتروني . الحقول المطلوبة مشار لها بـ *

*