عمــار يــا دمــاغي,, بقـــــــــــــلم : محمد ابو الفتح ,, مجـــــــلة غـــــــرام اليــاســـــــــــمين

عمــار يــا دمــاغي……
يا عم إشرب شايك واتكــيف………واحلم كمان في مارينا تـصيف
وعندك بيت و عيال ومــخلف……. على عيشة العز واخد ومــولف
معاك ألوفات دولارت ومسلف……..وانك من أصحاب الجاه وتخوف
واحلـــم يابني كمـــان وكمــان…….. احلم حتى كمان انك سلــطان
والاعشان ياضنايا انك غلبان……….ووشك شحم وزيـــت ملـــيان
تــقوم من النوم وتنام شــقيان……… ويمسحوا بيـــك أرض الدكان
واشرب لك ياعم كمان كوباية……….ونور وشك الحلو بضحـكاية
وكفاية تشيل الهم بقـى كــفاية…….. وإسرق لك من الـدنـيا فرحاية
وإرتاح على كرسي في ضلاية…….واضرب الدنيا فردة جزمـاية
محمد ابو الفتح

اضف رد

لن يتم نشر البريد الإلكتروني . الحقول المطلوبة مشار لها بـ *

*